الخضار غالى الرابطه من الشبت او الجرجير او البقدونس بجنيه ..طيب ليه مانزرعوش فى البلكونه او فى مسقط البيت للى ماعندوش حديقه للمنزل ...ازرع الخضروات فى بيتك ... نحو عالم اخضر
دعوة يطلقها الجميع الان نحو عالم اخضر ... انتشرت فى الاونة الاخيرة الدعوة الى زراعة الاسطح لانتاج كافة انواع الخضروات
ورغم ضيق المساحة الا الخضروات المنتجة بهذه الطريقة انظف واصح واسرع من المباعة فى الاسواق ... ولاكن ليس لكل منا
سطح يتحكم فيه ... ولاكنا كلنا يمتلك شرفة او بلكونة والان يمكنك زراعة الكثير والكثير من الخضر الورقية فى البلكونة وصدقنى
مش هتاكل احلى ولا اطعم من زرع ايديك بالاضافة انها موجودة فى كل وقت بلأضافة ايضا الى المنظر الجمالى الخلاب للبلكونة
او السطح .
ماذا يمكننى ان ازرع
الخضر الورقية من اول المزروعات المرشحة لذلك فى ذات انتاج جيد فى وحدة المساحة بالاضافة الى سرعة نموها ولك ان تعلم
ان الجرجير والنعناع والفجل والكرفس والشبت و البقدونس والملوخيا ( العزيزة جدا ) لاتحتاج اكثر من شهر واحد ..بلاضافة الى
السبانخ .......... انا نسيت الخس الرهيب
من اين احصل على اوعية للزرع
بسيطة خلى بالك اجمل ما فى الموضوع انه هواية فى المقام الاول فانا ازرع فى كل ماجده ماعليك الا ان تملئ الوعاء بطين مع
ثقب صغير فى اسفله لخروج الماء الزائد ... ويفضل ان تحصل على صندوق مثلا مناسب ذات ارتفاع 40 او 50 سم وباى عرض
ومن البديهى كلما زاد عرض الوعاء زاد الانتاج
بس من اين احصل على الطين ؟؟؟
هذا ايضا ليست مشكلة يمكنك ان تحصل عليه من اى ارض زراعية بجانب منزلك ؟؟ معندكش !!!! .... هات رمل وقم بشراء
من اى بائع زهور تربة مصنعه اسمها بيت موس .. وضع 70 رمل بالأاضافة الى 30% بيت موس او نصف ونصف .( سهلة )
طيب اجيب البذر منين
تمتلئ المدن ببائعى البذور ولو مالقتش اسئل ولو مالئتش برضة روح لبائع زهور وهو هيدلك مثلا فى القاهرة هتلاقى تحت الربع
فى السيدة زينب ... لو كنت جنب المطرية هتلاقى عند ابو غيطة فى الميدان .
ياترى السعر غالى
ابدا لك ان تعرف ان 1 جنية يمكنك ان تشترى بذور الجرجير العجيب لتاكل منه طوال عمرك be leave me
طيب هو فى زرع بيطلع من غير شمس
فقط حاول ان توجد مكان للزرع لمدة 4 او 5 ساعات ان شاء الله هتلاقى
من الاخر ازرع ازاااااااااااااااااااى
ماحنا قلنا شوف :
1- هات الوعاء
2- اخرمه من تحت اد الشلن او اصغر بقليل
3- ضع طوبه صغيرة مكان الثقب عشان التربة ماتنزلش
4-ضع التربة كما سبق شرحه
5- ضع القليل جدا من البذور ثم ضع فوق البذور كمية ضئيلة من التربة حتى لا تنزع البذور من مكانها .
6- رش خفيف
طيب مش فى حاجة اسمها سماد
الله ينور عليك .... فى حاجة اسمها يوريا غالبا النبات الورقى لايحتاج إلا اليها .....هتجيب كيس بجنية او 2 ممكن يأضيك سنة
وضع حبة صغيرة جدا منه مخلوط بالتربة .......... لو عندك سماد بلدى الى هو مخلفات الحيوان ضع القليل منه اثناء
تجهيز التربة ( مهم )
لا يعم دى عملية صعبة
فى الاول بس ممكن تظن كدة
بس لاما تقوم تخرج من البلكونه تقطع جرجير و فجل وخس و ملوخيا ولا لما تشر ب شاى وتحط نعناع من زرع ايدك
فى فرق اسئل مجرب
تيجى نشوف الصور.... يالا
النعناع
الملوخيه
كرات وبقدونس
السبانخ
الحلبه
الكزبره
الجرجير
الشبت
فى النهاية مع : المدونه الزراعيه ( مدونات ناصر شلبى ) اكيد هتبقى احسن
فتوكل على الله ولا تعجز ان الله يحب المؤمن القوى
فتوكل على الله ولا تعجز ان الله يحب المؤمن القوى
من زرع حصد ... وماأسهل الاصرار فى عمل الخير ليك ولغيرك
المدونه الزراعيه
ناصر شلبى
ليست هناك تعليقات:
إرسال تعليق